Disclaimer:
నేను ఇక్కడ రాయబోయె ప్రతి విషయం నిజ జీవితం లొ జరిగిన సంఘటనల పై కొంచం స్వాతంత్రం తీసుకొని రాసినవి. ఇందులో కొన్ని కల్పితమైన కథలు కూడా కలవు. దీన్ని మీరు గమనించాలని నా ప్రార్దన.
ఇది 12 సంవత్సరముల కిందటి మాట ……
మన రాష్ట్ర రాజధాని లో ఒక మూల, పెద్ద పేరున్న ఒక చిన్న స్కూలు లో D.Sc రాసి రాసి ఇక రాదని డిసైడ్ అయిన ఒక పంతులు, పిల్లలకు english dictation చెప్తున్నాడు. అలానే పిల్లలకు కొన్ని మంచి మాటలు కూడా చెప్పాడు. తరువాత మార్కులు వేయడం కోసం పిల్లలు రాసిన జవాబులు చదవడం ప్రారంభించాడు.
అందులో ఒకడు “love all, serve all” కి బదులు “love girls, serve all” అని రాసాడు. దాన్ని చూసి సినిమాలు చిన్న పిల్లల్ని చెడుపుతున్నాయని భాధపడి, ఆ పిల్లాడ్ని తిట్టాడు.
12/2 = 5 సంవత్సరముల కిందటి మాట…..
మళ్లీ అదే నగరం, కాకపోతె ఈ సారి ఊరి మద్యలో ఉన్న ఒక కాలనీ లో, నలుగురు కుర్రాళ్లు (1,2,3,4) IITని ఎలా CRACK చెయ్యాలా అని ఒక పఠం గీస్తున్నరు. ఆ గీసేది “3” రెంట్ కి ఉంటున్న ఇంట్లొ కూర్చొని. సమయం 6-7 మధ్య ఉన్న 6:30 అయింది. కాని 6:45 కి 3 తన ఇంటికి ఎదురుగా ఒక కత్తి, చాకు, మేకు లాంటి పాప ఉంది కాని ఎప్పుడూ బయటకు రాదని చెప్పగానే పఠాలు గీసి గీసి అలిసిపోయిన మన యూత్ లో ఎక్కడా లేని హుషారు, ఉత్సాహం, ఉల్లాసం మొదలైనవి వచ్చాయి. ముందు ఎవరు వెళ్లీ చూడాలా అని గొడవ పడకుండా ఒక్కక్కరిగా వెళ్లీ చూద్దామని సంధి చేసుకున్నారు.
ముందు 1 వెళ్లి ఏడుపు ని తనతో పాటు తీసుకొని వచ్చాడు. 2 వెళ్లి మళ్లి ఏడుపు ని తెచ్చుకున్నాడు. కాని అదెంటో 2 రాగానే 1 మొఖం లో ఒక రాక్షస నవ్వు వచ్చింది. ఇంక మిగిలింది రెంట్ కట్టే 3 మరియు 4. 3 వెల్లినంతా వేగంగా వెనుకకు వస్తూ ” తూ నా బ్రతుకు, అటు మార్కులు రాక, ఇటు ఇదీ కనపడక అస్సలు జీవితం మీదె వ్యరక్తి వస్తొంది” అని అనుకుంటూ వెనక్కి వచ్చాడు. తరువాత 4 వెళ్లాడు. ………………………….
….
…
ఇలా ఎంతసేపటికీ రాకపోవడం గమనించిన వారు అందరూ ఒక్కసారిగా బయటకు వెళ్లారు. వారిని చూడగానే 4 పైకి చూస్తూ హైదరాబాదు లో ఎప్పుడూ కనపడని చుక్కలని లెక్క పెట్టాడు. ఎదురింటి బెడ్ రూం లైట్ ఆగిపోయింది.
5+4= 2 సంవత్సరముల ముందు మాట ……..
Interaction చేయించుకున్న వయసు నుండి అది చేసే వయసుకు రాగానే, నిక్కర్ల నుండి ప్యాంట్లలోకి వచ్చినంత ఆనందం, పెద్ద వాళ్లమైపోయాం అన్న గర్వం తో కూడిన హుందాతనం కలగలిపి అక్షరాల 4 అడ్డ రోడ్లున్న మన క్యాంపస్ అంతా మనదె అని అనుకొని తిరుగుతున్న రోజులు.
చదువుకునే అలవాటు పొరపాటున కూడా లేని నేను మరియు నా దొస్తులు ( ఒక్కడికి మాత్రం ఆ అలవాటు ఉంది 😛 ) మన పానీయ కేంద్రం అదే నండి మన ఐదో మెస్ “Coffee Shop” దెగ్గర కూర్చొని ఇండియా – పాకిస్తాన్ ఎందుకు విడిపోయాయా అని తెగ ఫీల్ ఐపోతూ శీతల పానీయాలు తాగుతున్నం . ఇంతలో
1 – ” అరే ! ఇంక వెళ్దామా రూం కి ? ”
2- ” అప్పుడే పోయి చెసేంత పీకె పనులు యెమున్నయి రా… ”
1 – ” లేదు రా వెళ్లాలి తప్పదు… ”
2 – ” ఎహె ఎందుకో చెప్పు … ”
3 – ” అరేయ్ వెళ్దాం లేరా, నేను కూడా నడుస్తూ చదువుకోవాలి. ”
2 – ” తూ, ఎక్కడ దొరికారు రా.. సరె పోదాం పదండి.”
అని అప్పటి GH ఇప్పటి పారిజాత్ నివాస్ మీదుగా అడ్ద దోవలో రూం కి చేరుకున్నాము. రాగానే “1” తన రూమంతా తొందరగా, చిందర వందరగా వెతక సాగాడు. CS కి వెళ్లె ముందు “2” రూం కి వెళ్లిన సంగతి గుర్తోచ్చి “2” రూం ని కూడా వెతకడం తో “2” కి సందేహం వచ్చి
2 – ” ఏమైందిరా, రూం కి పట్టుకొచ్చావ్ హడావిడి గా, అంతా వెతికేస్తున్నావ్ విచిత్రంగా, ఎం పొయింది ? ”
1 – ” ఏం లేదు లెరా ”
2 – ” నాటకాలు దొబ్బకు, ఎం పోయిందో సక్కగా చెప్పు. ”
1 – ” ఏం లేదు రా, phone వచ్చేలా ఉంది. ”
2 – ” $@#&”
2 – ” వర్షం వచ్చేలా ఉంది అని విన్నా కాని, ఈ phone వచ్చేలా ఉండడం ఎంట్రా… ” , అని అక్కడ ఉన్న అందరి వైపూ బిక్క మొహం పై ఒక తిక్క expression పెట్టి అడిగాడు.
ఇంతలో రానే వచ్చింది PHONE. ఎలా ? ఎలా ? ఎలా తెలిసింది వాడికి ముందె, అని తనకు వచ్చిన ధర్మ సందేహాన్ని తీర్చుకోవడం కోసం 1 phone పెట్టేయగానే అడుగుదాం అని 6:30 నుండీ అలా నిరీక్షించి నిరీక్షించి నీరసించిన తరువాత 8:30 కి phone పెట్టేయడం జరిగింది.
2 – ” ఎలా తెలిసింది రా ముందుగానె నీకు ”
1 – ” ఏంటి తెలియడం.. ” ( ఏమీ తెలియనట్టు ఒక ఎదవ expression మోము పై మోస్తూ )
2 – ” అదే phone వస్తోందన్న విషయం ”
1 – ” తెలుస్తుంది కదరా ”
2 – ” @#&% ”
2 – ” అదే ఎలా ”
1 – ” lite తీసుకో ”
2 – ” ప్లీజ్ చెప్పరా … ”
1 – ” lite తీసుకో అన్నాను గా ”
ఆ పన్నెండు, 5 మరియు రెండు సంవత్సరముల కిందట జరిగిన సంఘటనలలో ఒకే ఒక్కడు common. వాడు ఎవరు ? ఏం చేస్తున్నాడు ? పుట్టుకతోనే ఏవైనా అతీంద్రియ శక్తులు పునికి పుచ్చుకున్నాడా ? మెదలగు వివరాలు తెలుసుకునే ముందు అందరూ ఒక్క సారి ” ప్రేమాయనమహా ” అని మీ పక్క రూం లోకి వినపడేలా గట్టి గా అనండి.
మిగతా ది వచ్చే టపా లో ……
PS: దీంట్లొ కోంచం కల్పితం కూడా కలదు.
PS1: ఈ మహానుభావుల గురించి రాయడం ప్రారంభించిన తరువత వేరే ఏ పనీ చేయ్యబుద్ది కావడం లేదు.
PS2: ఇంకేంటండి సంగతులు 😛
PS3: ఈ టపా కు ప్రేమా అనె title apt అని నా ఉద్దేశం, మరి మీరేమంటారు. ?
PS4: అందరూ end-sems కి బాగా ప్రిపేర్ అవ్వకండి